Mukana wekushanda

(VaEfeso 5:16)

“Hatikwanise kumbomira basa here?Ngatizviite gore rinouya.Zvinhu zvinenge zvave nani.Asi ichokwadi here?Pauro anoti mutsamba yekukereke kwe VaEfeso:”Dzikinurai nguva,nokuti mazuva acho aipa.” Hatina chitsidzo mumazuva ano akaipa chekuti tinozogona kushanda mangwana sezvatinoita nhasi, sezvo nyika ino izere makaro ne kuipa kukuru nekunyeperana.

1. Icho chinofanirwa kudzikinurwa
Makristu vane rupawo pabasa ravakapiwa naMwari.Rupawo urwu kuzadzikisa zvatakapiwa senhaka kune umwe neumwe.Mwari,muzuva ne zuva, vanoongorora mararamiro edu maringe nerupawo irworo.Vamwe vanhu vanokomborerwa nekuvimbika mubasa ravakapiwa naMwari ,vachishandisa mikana yose inenge iripo.Munhu wakakadai dzimwe nguva haacherechedze kuti nguva zhinji yehupenyu hwake inokwanisa kutosvika makumi emakore, aigadzirirwa nekumirira nguva yakadai yokushandira Mwari.

2. Mukana unouya kamwe chete
Hatifanire kungoona rupawo rwatakapiwa mukereke sebasa rema njake njake.Basa iri rakakosha muchirongwa chaMwari.Kunyangwe nguva ikaita pfupi,munhu akazvipira, anovimbika achibata basa guru muchirongwa chitsvene chaMwari. Sezvinoita munhu anodzikinura hupenyu hwe munhu nemutengo,ndiwo madzikinuriro atinofanira kuita nguva pamukana watinawo unogona kurasika

3. Basa rinoitirwa Mwari
Avo vanoshanda zuva nezuva muimba yaMwari nemuzvinhu zvaMwari vanofanira kuringanisa zvese muzvinangwa zvaMwari.Upenyu hwedu hausi hwemadiro edu,tinofamba muhutsvene takatakura mutoro we basa RaMwari.Kana moyo yedu ichirevesa,tinofamba mukuzvipira.Ngatibatanei murudo muimba yaMwari takavimbika ,tichizvipira muhupenyu huno se vanhu vakasikwa muhumhizha naMwari.

Mutariri Sung-Hyun Kim